ТҮРКИЯ
2 мүнөт окуу
Түркия Газаны колдоо үчүн «Анталья–Газа» коридорун түзүүнү сунуштады
COP31 төрагасы Мурат Курум D-8 өлкөлөрүн Газаны күн энергиясы менен иштеген суу тазалоочу системалар, көчмө дренаждык жабдуулар жана башка климаттык жардамдар менен камсыздоого чакырды.
Түркия Газаны колдоо үчүн «Анталья–Газа» коридорун түзүүнү сунуштады
Мурат Курум

Түркия COP31 конференциясынын төрагасы катары Газанын гуманитардык жана инфраструктуралык муктаждыктарын климаттык чечимдер аркылуу камсыздоо максатында D-8 уюмуна мүчө өлкөлөр менен биргелешкен демилге көтөрүүнү сунуштады.

Түркиянын түштүгүндөгү Анталья шаарында өткөн D-8 уюмунун климаттык аракеттер боюнча жогорку деңгээлдеги министрлер жыйынында сөз сүйлөгөн COP31 төрагасы, Түркиянын экология, шаар куруу жана климаттын өзгөрүшү министри Мурат Курум шейшемби күнү Палестинанын Газа аймагына конкреттүү жардам көрсөтүү максатында «COP31 Анталья–Газа климаттык коридорун» түзүүнү сунуштады.

Курум катаал кышкы шарттар Газадагы согуштун жана кыйроолордун кесепеттерин абдан күчөтүп жатканын жана акыркы жаан-чачындар миңдеген үй-бүлөгө терс таасирин тийгизип, 40 миңден ашуун үй-бүлөгө таандык баш калкалоочу жайлардын бузулушуна алып келгенин айтты.

Жаан суусунун агынды суулар менен аралашуусу коомдук саламаттыкка коркунуч келтирерин белгилеген Курум саламаттыкты сактоо мекемелерине, суу системаларына жана билим берүү инфраструктурасынын катуу кысым астында экенин белгиледи.

Сунушталып жаткан демилгенин алкагында D-8 уюмуна мүчө өлкөлөр күн энергиясы менен иштеген көчмө суу тазалоочу системаларды, медициналык борборлор жана суу инфраструктурасы үчүн автономдуу энергия жабдууларын, көчмө дренаждык техникаларды, таштанды чогултуучу унааларды жана кышкы шарттарга ылайыкташтырылган турак жай модулдарын камсыздай алышат.

Курум өзгөчө балдардын билим алуусундагы мындан аркы үзгүлтүктөрдү алдын алуу үчүн колдоо көрсөтүүгө чакырды.

Курум гуманитардык жардам жүктөрүнүн, жабдуулардын жана запастык бөлүктөрдүн үзгүлтүксүз жеткирилишинин маанисин белгиледи. Ошондой эле Бириккен Улуттар Уюму кышкы мезгилге керектүү каражаттардын жеткирилишин тездетүүгө жана инфраструктураны калыбына келтирүү иштерин жүргүзүүгө чакырганын эске салды.

D-8 климаттык кызматташтыгын күчөтүү

Курум климат тармагындагы кеңири эл аралык кызматташтыкка да токтолуп, COP31 саммитинин төрагалыгы эл аралык милдеттенмелерди инвестицияларга, конкреттүү долбоорлорго жана адамдардын жашоосун жакшыртууга багытталган практикалык натыйжаларга айландырууну көздөп жатканын айтты.

Курум 2035-жылга чейин дүйнөлүк акыркы энергия керектөөдөгү электр энергиясынын үлүшүн 35 пайызга жеткирүүнү көздөгөн «2035-жылга чейин глобалдык электрлештирүү боюнча 35 пайыздык милдеттенмеге» көңүл бурду. Анын айтымында, бул демилге өлкөлөргө жаңы милдеттүү улуттук талаптарды жүктөбөйт.

Курум ошондой эле дүйнө жүзүндө кайра иштетилүүчү материалдарды пайдалануунун үлүшүн кеминде 15 пайызга жеткирүү жана 2035-жылга чейин муниципалдык таштандылардын жылдык көлөмүнүн болжолдонгон өсүшүн кеминде 50 пайызга кыскартуу максатын көздөгөн демилгелер тууралуу маалымат берди.

Иликте
Кремль: Путин, Си Цзиньпин жана Трамп 19-ноябрда үч тараптуу саммит өткөрүшөт
Тышкы иштер министрлиги ахыска түрктөрүн эскерди
Мекке келишими ишке кирди
Россия Европанын Украина боюнча тынчтык сүйлөшүүлөрүнө катышуусун анын «чын ниетине» байланыштырды
Түркия менен Катар лидерлеринин Стамбулдагы жолугушуусунда тарыхый коргонуу келишимине кол коюлду
Рютте Түркиянын НАТОдогу ролун баса белгиледи
Россиянын Волгоград шаарында дрон чабуулунан 4 адам каза болду
Зеленский Россиянын бүгүнкү күнгө чейинки эң ири туткун алмашууну бекиткенин билдирди
Түрк министри COP31де эскертти: "Мөңгүлөрдүн жоголушу дүйнөлүк суу ресурстарына коркунуч келтирет"
Судандын Дарфур аймагында үч күндүн ичинде 5 275 адам жер которууга аргасыз болду
АКШнын президенти Трамптын атайын өкүлдөрү Москвада орус лидери Путин менен жолугушту
Израиль: "CENTCOM армияга Иранга каршы жаңы чабуул ыктымалдуулугуна даяр болуу билдирүүсүн жөнөттү"
Малатияда S-70 үлгүсүндөгү тик учак кырсыкка учурап, төрт аскер шейит болду
Кызыл Чырым: "Газадагы жер которгон үй-бүлөлөр катуу суукка туш болууда"
Түркиянын А улуттук баскетбол командасы Черногорияны 79-62 эсебинде жеңди