Газадагы Палестинанын Саламаттыкты сактоо министрлигинин билдирүүсүндө, Израилдин 2023-жылдын октябрынан бери Газага жасаган кол салууларынан каза болгондорго байланыштуу акыркы маалыматтар бөлүшүлдү.
Израиль армиясынын ок атышпоого карабастан күнүмдүк кол салууларын жана бузууларын улантканы баса белгиленген билдирүүдө, Израилдин кол салууларынын натыйжасында Газада акыркы 24 саатта 7 адамдын жансыз денеси жана 28 жаралуунун ооруканаларга жеткирилгени айтылды.
Билдирүүдө ок атышпоо келишими күчүнө кирген 2025-жылдын октябрь айынан бери Израилдин кол салууларынан 1488 кишинин каза болгону, 5 миң 281 кишинин жараланганы кабарланды.
Ошол эле мезгилде 836 кишинин сөөгү урандылардын астынан чыгарылып, Израилдин Газага кол салууларынын башталышынан бери каза болгондордун жалпы саны 74 миң 377ге, жаралуулардын санынын 175 миң 398ге жеткени маалымдалды.
Газа тилкесинде урандылардын астында дагы деле миңдеген сөөктөрдүн бар экени айтылууда.
