Россия менен Кытай Америка Кошмо Штаттары жана союздаштары тарабынан Арктика аймагын дагы көп аскерлештирилишине байланыштуу тынчсыздануусун билдиришти.
Россиянын президенти Владимир Путин менен Кытайдын төрагасы Си Цзиньпиндин Пекиндеги сүйлөшүүлөрүнөн кийин жарыяланган биргелешкен декларацияда Арктика мамлекеттеринин эгемендүүлүгүн жана аймактык бүтүндүгүнө сый көрсөтүүнүн маанисинбаса белгилешти. Эки өлкөнүн ортосундагы ар тараптуу стратегиялык координацияны өнүктүрүүгө жана жакшы коңшулук, достук кызматташтыкты тереңдетүүгө басым жасалган декларацияда Арктиканы "тынчтыктын, туруктуулуктун жана аскердик-саясий чыңалуу төмөн аймак" катары сактоо зарылдыгы баса белгиленди. Биргелешкен билдирүүдө: "Тараптар АКШ жана союздаштары тарабынан бийик кеңдиктерди милитаризациялоого байланыштуу тынчсызданууларын билдиришет жана Арктикадагы эл аралык укуктун нормаларына берилгендигин тастыкташат", - деп айтылды.
Дүйнөлүк карым - катнаштарда "Жунгли мыйзамына" каршы эскертүү
Декларацияда эл аралык карым - катнаштарда "жунгли мыйзамына" кайтып келүүгө, гегемониялык практикага, бир тараптуу санкцияларга жана эгемендүү мамлекеттердин ички иштерине карата тышкы кийлигишүүгө каршы турууга каршы эскертүүлөр берилген.
Терроризмдин Афганистан жана аймак үчүн олуттуу коркунуч туудуруп жатканы белгиленип, эл аралык коомчулукту терроризмге каршы күрөшүүдө Кабул өкмөтү менен кызматташууну күчөтүүгө чакыруу салынды. Москва менен Пекин Шанхай кызматташтык уюму (ШКУ) сыяктуу көп тараптуу платформалар аркылуу Афганистан маселеси боюнча координацияны күчөтүүгө убада беришти.
"АКШ менен Израилдин кол салуулары туруктуулукка доо кетирүүдө"
Декларацияда АКШ менен Израилдин Иранга багытталган аскердик соккулары эл аралык укукту буза тургандыгы жана Жакынкы Чыгыштагы туруктуулукка олуттуу түрдө доо кетирери белгиленди. Тараптар чыңалуунун мындан ары күчөшүнө жол бербөө максатында, бул процесске тиешеси бар бардык тараптарды сүйлөшүү үстөлүнө чакырышты.
Газада туруктуу ок атышууну токтотуу режимин орнотууга багытталган колдоолорун дагы бир жолу кайталаган эки өлкө, Палестина маселесин "эки мамлекетүү чечим" принцибинин негизинде, көз карандысыз Палестина мамлекетин куруу менен ар тараптуу жана адилеттүү түрдө чечүү зарылчылыгын баса белгилешти.
Сириянын эгемендүүлүгүнө жана аймактык бүтүндүгүнө колдоо көрсөтүлөрү айтылган билдирүүдө, Сириянын өткөөл өкмөтү терроризмдин жана экстремизмдин бардык түрлөрүнө каршы чечкиндүү күрөшүшү керектиги билдирилди. Ошондой эле Африка континентинин 21-кылымдагы өнүгүү потенциалына токтолуп, Африка Биримдигинин "Күн тартиби — 2063" (Agenda 2063) стратегиясына колдоо көрсөтүлөрү маалымдалды.
