Президенттиктин коммуникация башкармалыгынын билдирүүсүнө ылайык, Президенттиктин инвестиция жана каржы кеңсесинин 20 жылдыгына карата чыгарылган бул басылмада Түркиянын 2014-жылдан 2025-жылга чейинки инвестиция жана каржыда басып өткөн жолу баяндалат.
Президент Режеп Таййип Эрдогандын 2014-2025-жылдар аралыгындагы инвестиция жана каржы боюнча сүйлөгөн сөздөрүнүн жыйнагы болгон бул эмгекте Түркиянын акыркы чейрек кылымдагы экономикалык трансформациясына, өсүү демилгелерине жана өнүгүү көз карашына ар тараптуу баа берилет.
Түркиянын акыркы мезгилдеги инвестицияларынын, өндүрүшүнүн, жумуш менен камсыз болушунун жана экспортко багытталган экономикалык трансформациясынын интеллектуалдык негизин ачып берген изилдөөнүн баш сөзүн президент Эрдоган өзү жазды.
530 беттен турган бул эмгек Түркиянын инвестициялык көз карашын, саясаттын артыкчылыктарын жана глобалдык экономикалык позициясын жеткирүүчү ар тараптуу маалымат булагы катары кызмат кылат.
Бул эмгек Түркиянын өзгөрүү процессин баяндайт
Эмгекте Түркиянын стратегиялык жайгашкан жери, өндүрүш кубаттуулугу, соода байланыштары, каржылык көз карашы жана дүйнөлүк экономикадагы ролу баса белгиленип, ошол эле учурда Түркиянын реформалар, инфраструктуралык инвестициялар, адам ресурстары жана чет элдик түз инвестициялардын көрсөткүчтөрү аркылуу кантип атаандаштыкка жөндөмдүү жана ишенимдүү инвестициялык борборго айланганын ортого салууда.
Түрк жана англис тилдеринде даярдалган бул эмгек Түркиянын экономикалык өсүшүн, туруктуулугун жана узак мөөнөттүү өнүгүү максаттарын улуттук жана эл аралык аудиторияга жеткирет.
Китепте Түркиянын инвестициялык климатынан финансылык тереңдетүү максаттарына, өндүрүш жана экспорттук мүмкүнчүлүктөрүнөн глобалдык экономикадагы ордуна чейинки кеңири перспектива президент Эрдогандын экономика боюнча билдирүүлөрү аркылуу окурмандарга сунушталат.
Түркиянын трансформация процессин документтештирген китеп "Түркия кылымы" көз карашына ылайык келе жаткан мезгилдин инвестициялык жана каржылык мамилесине жарык чачат.
Китепке "https://yayinlar.iletisim.gov.tr/detay/turkiye-yuzyilinda-yatirim-ve-finans" дареги боюнча кирүүгө болот.
