Грециянын Улуттук коомдук саламаттыкты сактоо уюму (EODY) Батыш Нил вирусуна байланыштуу маалыматтарды бөлүштү.
Буга ылайык, 19-26-август аралыгында өлкөдө Батыш Нил вирусунун 75 жаңы учуру аныкталды.
Жыл башынан бери өлкөдө Батыш Нил вирусунан каза болгондордун саны акыркы жумада 6га көбөйүп, жалпы 19га жетти.
Европанын оорулардын алдын алуу жана көзөмөлдөө борборунун (ECDC) көрсөткүчтөрүнө ылайык, Грецияда Батыш Нил вирусунун учурларынын саны боюнча Италиядан кийинки экинчи орунда турат.
Катимерини гезитинин кабарына караганда, Грецияда Батыш Нил вирусунун кеңири жайылышынын себептери өлкөнүн географиялык жайгашуусу, чиркейлерге жыл бою жашоого мүмкүндүк берген климаттык шарттар жана айрым муниципалитеттерде чиркейлерге каршы күрөшүү программаларынын жоктугу.
