Омандын тышкы иштер министри Бадр аль-Бусаидинин эртең Ирандын борбору Тегеранга бара тургандыгы кабарланды.

Ирандын расмий IRNA маалымат агенттигинин кабарына караганда, Тышкы иштер министрлигинин басма сөз катчысы Исмаил Бекайи Бусаидинин 25-августта Тегеранга келерин жарыялады.

Бекайи Тегеранга сапарында Бусаидинин тышкы иштер министри Аббас Аракчи менен жолугушуп, эки тараптуу мамилелерди жана аймактык окуяларды талкуулай турганын билдирди.

Сапардын Иран менен Омандын ортосундагы эки тараптуу кызматташтыкты чыңдоого жана эки өлкөнүн ортосундагы саясий консультацияларды улантууга багытталганын белгилеген Бекайи Ормуз кысыгына чектеш эки өлкө аймакта тынчтыкты жана коопсуздукту чыңдоо боюнча пикир алмашарын айтты.

Омандын тышкы иштер министри Бусаидинин Тегеранга сапары Ормуз кысыгы боюнча эки өлкөнүн ортосундагы сүйлөшүүлөр жүрүп жаткан учурга туш келгендиктен маанилүү болуп саналат.