Орусиядагы Ozon электрондук соода платформасына таандык үч башка кампанын иши дрондордун чабуулдарынан улам убактылуу токтотулду, ал эми Дагестандагы объектте өрт чыкты.
Ozon компаниясынын жазуу жүзүндөгү билдирүүсүндө, Орусиянын Дагестан облусундагы Махачкала шаарында жайгашкан логистикалык борборго дрондор чабуул койгону айтылды.
Билдирүүдө ишканадагы кызматкерлер эвакуацияланганы жана алгачкы маалыматтарга караганда, көптөгөн адамдар жаракат алганы, бирок медициналык текшерүүдөн өткөндөрдүн абалы оор эместиги белгиленди.
Чабуулдан кийин чыккан өрткө чукул абал топтору чара көрүп, кампанын иши токтотулганы кошумчаланды.
Ozon компаниясынын Адыгея жана Невинномыссктеги кампалары да дрондордун чабуулдарынан улам түн ичинде эвакуацияланганы айтылды.
Билдирүүдө кызматкерлер жабыркабаганы жана кампаларга же продукцияларга эч кандай зыян келтирилбегени, ошондой эле чукул абал топторунун ишине байланыштуу кампалар убактылуу жабылганы маалымдалды.
Украина жакында эле Орусияда жайгашкан дагы бир электрондук коммерция платформасы Wildberries компаниясына таандык кампаларга жана логистикалык жайларга дрондор менен чабуул жасаган эле.
