Кеңештин билдирүүсүндө бул кадамдын 12 Батыш өлкөсү жөөт конуштарынан чыккан продукцияларга чектөөлөрдү киргизүү чечимин чыгаргандан кийин дароо жасалганы жана Израилди бул конуштардын кеңейишин токтотууга чакырганы баса белгиленди.

Нетаньяху өкмөтү 2022-жылдын аягында кызматка киришкенден бери 104 жаңы жөөт конушун бекитип, 160 айыл чарба конуш борборун түзгөнү эске салынды.

Билдирүүдө Бейтүллахимдеги "Маале Амос" конушуна 365 жаңы үй жана Рамалладагы "Талмон" конушуна 200 жаңы үй кошууну камтыган 13 план акыркы бекитүү жана ишке ашыруу этабына жеткени белгиленди.

Билдирүүдө жаңы стратегиянын негизги максаты нөлдөн баштап Рамалла менен Наблус чек арасындагы «Амихай», Жериходогу «Эйн Йитав» жана Жениндеги «Маоз Цви» аттуу үч жаңы жөөт конушун түзүү экени айтылды.

Жалпы аянты 1125 дунамды түзгөн бул долбоорлордо 749 турак жай бирдиги курулат. Ошондой эле Селфиттеги «Педуэл» конушуна 95, «Алей Захав» конушуна 259 жаңы турак жай кошуу пландалууда.

Билдирүүдө оккупацияланган Чыгыш Кудстагы Гиват-Зеев жөөт конушуна дагы эки турак жай бирдиги кошулары айтылды.

Кеңештин билдирүүсүндө бул кадамдар Израилдин учурдагы конуштарды кеңейтүү менен гана чектелбестен, Батыш Шериада жаңы туруктуу жөөт конуштарын түзүү саясатын көрсөтүп жатканы белгиленди.

Эл аралык укукка ылайык, 1967-жылы Израиль оккупациялаган Батыш Шериа келечектеги Палестина мамлекетинин аймагы болуп саналат. Израиль бул аймакта оккупациялоочу күч болуп эсептелет.

Баскынчы күчтүн басып алган жерине өз калкын көчүрүп отурукташтыруусу жана менчик укугуна өзгөртүүлөрдү киргизиши эл аралык укукка каршы келет.

Ошого карабастан, Тель-Авив бийлиги акыркы жылдары басып алынган Батыш Шериада мыйзамсыз отурукташууларды кеңейтүүгө жана жаңыларын курууну ылдамдатты.