Болгариянын борборундагы курал-жарак сактоочу жайда түнкүсүн болгон жарылууда өрт чыкты. Жергиликтүү маалымат каражаттары жана расмий өкүлдөр бул акыркы бир нече жуманын ичинде ок-дары сактоочу жайдагы экинчи өрт экенин билдиришти.
Царева Ливада айылына жакын жерде чыккан өрттөн жабыркагандар болгон жок. Жергиликтүү телеканалдарда көрсөтүлгөн кадрларда жалындын түн ичинде асманды жарыктандырганы көрүндү.
Габрово облусунун губернатору Кристина Сидорова ишемби күнү эртең менен журналисттерге: «Азыркы учурда өрт заводдун кампа аймагынын ичинде. Ал бир кампадан экинчи кампага жайылып жатат», - деди.
Россиянын тиешеси бар деген дооматтар
Жергиликтүү маалымат каражаттары компаниянын кызматкерине шилтеме жасап, өрттүн өткөн айда дагы бир жарылууга учураган EMCO компаниясына таандык имаратта чыкканын билдиришти.
EMCOну болгариялык курал сатуучу Эмилиан Гебрев башкарат. Болгариянын прокурорлору Гебревдин имараттары орус агенттер тарабынан уюштурулган мурунку кол салууларда бутага алынгандыгын ортого салышууда.
2024-жылы Болгария 2011-2020-жылдар аралыгында Украина менен Грузияга экспорттоого арналган ок-дарылар сакталган EMCO курал-жарак кампаларын талкалоо боюнча алты орус жаранын камакка алуу ордерин чыгарган.
Ошол учурда прокурорлор Болгариядагы жарылуулар 2015-жылы Гебревди ууландыруу аракети жана 2014-жылы Чехиядагы ок-дары кампаларындагы жарылуулар менен байланыштуу деп болжолдоого болот деп билдиришкен.
Москва айыптоолорду четке какты
