Түркия тарабынан биринчи жолу өткөрүлгөн Бириккен Улуттар Уюмунун климаттын өзгөрүшү боюнча алкактык конвенциясынын Тараптарынын 31-конференциясында (COP31) Түркия Республикасынын негиздөөчүсү Улуу жолбашчы Мустафа Кемал Ататүрктүн дүйнөдөн кайтышынын 88-жылында саат 09:05те бир мүнөттүк унчукпай туруу менен эскерилди.
Эл аралык климат сүйлөшүүлөрү өтүп жаткан Анталья ЭКСПО аянтчасында Ататүрктүн каза болгон убактысында саат 09:05те сиреналар жаңырды.
Сиреналардын үнүн уккандан кийин жергиликтүү жана чет элдик катышуучулар конференция аянтчасындагы иш-чараларын токтотуп, Ататүрктү эскерүү үчүн бир мүнөт унчукпай турушту.
Эскерүү максатында конференция аянтчасындагы Түркиянын жана Бириккен Улуттар Уюмунун желектери жарымга түшүрүлдү.
Конференцияга катышкан ар кайсы өлкөлөрдөн келген делегаттар, ыктыярчылар, басма сөз өкүлдөрү жана расмий адамдар да бир мүнөт унчукпай турушту.
