Президенттиктин Коммуникация башкармалыгы президент Режеп Таййип Эрдогандын Бириккен Улуттар Уюмунун (БУУ) башкы катчысы Антониу Гутерриш менен жолугушуусунда аймактык жана глобалдык маселелер талкууланганын жарыялады.
Коммуникация башкармалыгынын билдирүүсүнө ылайык, Эрдоган БУУнун башкы катчысы Антониу Гутерриш менен Антальяда өткөн БУУнун климаттын өзгөрүшү боюнча алкактык конвенциясынын 31-Тараптар конференциясынын (COP31) Лидерлер саммитинде жолугушту.
Аймактык жана глобалдык маселелер талкууланган кабыл алууда президент Эрдоган Түркия катары COP31 төрагалыгын өткөрүп алгандарына кубанычта экендерин, конференциянын ийгиликтүү өтүшү үчүн зарыл болгон даярдыктарды көргөндөрүн жана Түркиядагы жыйын климатка байланыштуу көйгөйлөрдү чечүү үчүн жаңы башталыш чекити болот деп үмүттөнгөндөрүн билдирди.
Эрдоган Түркия аймактык өлкөлөр менен биргеликте Иран-АКШ чыңалуусун басаңдатуу, көйгөйлөрдү макулдашуу жана дипломатия аркылуу чечүүнү камсыз кылуу боюнча аракеттерин улантып жатканын айтты.
Президент Эрдоган ошондой эле Украина-Орусия согушун токтотуу үчүн да иштеп жатышканын, жаңы диалог процессин колдоого даяр экенин маалымдады.
Эрдоган менен Гутерриш жолугушууда Газа, Кипр жана Ливиядагы акыркы окуяларды да талкуулашты.
