Бул айда ишке киргизилген демилге аркылуу сингапурлуктардын кунт коюусун, сынчыл ойлонуусун жана фантазиясын өнүктүрүү максат кылынууда..

Программанын алкагында окурмандар өкмөттүн интернет сайтында күн сайын кеминде 15 мүнөт окуу сессиясын каттаганда 1 Сингапур долларына ээ боло алышат.

Улуттук китепкананын башкармалыгынын төрайымы Мелисса Там адаттар майда жана жеткиликтүү кадамдар менен калыптанарын билдирди.

Өкмөт өзгөчө жаштардын социалдык тармактардан аз жабыркашы үчүн күнүмдүк убакыт чектөө киргизүү сыяктуу варианттарды карап жатат.

Бир тараптан өлкөдө 15 жаштагы окуучулар 2025-жылдагы Эл аралык окуучуларга баа берүү программасында (PISA) окуу боюнча дүйнөлүк рейтингдин башында турганы белгилүү.